ఈ-కామెర్స్ బిజినెస్ లో తెలియవలసిన 10 ముఖ్యమయిన విషయాలు.

రఘు బాబు కి ఆత్రం ఎక్కువ. ఒక పని చేసే ముందు ముందు వెనుకా ఆలోచించకుండా రంగంలోకి దూకేస్తాడు. అలాంటి రఘు బాబు కి ఒక ఉదయం బాత్ రూం లో కాలకృత్యాలు తీర్చుకుంటుండగా ఈ-కామెర్స్ బిజినెస్ ఐడియా తట్టింది.
ఎంతో ఆత్రంగా ఎదురుచూస్తున్న “కబాలి సినిమా” రిలీజ్ డేట్ ప్రత్యేకంగా తనకి మాత్రమే తెలిసినట్టుగా ఆనందంగా గంతులేసాడు.అసలే మనోడికి ఆత్రం ఎక్కువ, దానికి తోడు  ఆలోచన వచ్చింది….ఇక ఆగుతాడా ? “ఆగడు ” సినిమా టైటిల్ సాంగ్ పాడుకుంటూ రంగంలోకి దూకాడు.

“ఎలా చేస్తావు రా ! నీకు ఇదివరకు దీని మీద అనుభవం లేదు గా” అని అడిగాడు రఘబాబు స్నేహితుడు
” ఈ-కామెర్స్ బిజినెస్ ఏముంది రా ! మన దగ్గర మనీ ఉంటే చాలు. డబ్బు పెట్టి మంచి వెబ్ సైట్ పెట్టుకుంటాము, మార్కెటింగ్ చేసుకుంటాము. దీనికి అనుభవం తో పని ఏముంది?  ఆలోచన ఉన్నవాడికి అనుభవంతో పని లేదు ” అని ఒక పంచ్ డైలాగ్ కొట్టాడు.

మంచి కంపెనీ కి డబ్బులు ఇచ్చి ఈ-కామెర్స్ వెబ్ సైట్ తయారుచేయించాడు. మంచి మూహూర్తం చూసి ఆన్ లైన్ లో బిజినెస్ స్టార్ట్ చేసాడు. ఒక వారం తరువాత మనోడికి అసలు సినిమా కనపడటం మొదలయింది.ఈ-కామెర్స్ బిజినెస్ లో నేర్చుకోవాలిసింది చాలా ఉంది అని అప్పుడు అర్ధమయింది.

మనలో రఘు బాబు లాంటి వాళ్ళు చాలా మందే ఉన్నారు. ఆలోచన రాగానే బిజినెస్ స్టార్ట్ చేస్తున్నారు. కానీ ఏ-కామెర్స్ బిజినెస్ మనం అనుకునే దాని కంటే చాలా కష్టంగా ఉంటుంది.

అందుకే…ఈ-కామెర్స్ బిజినెస్ స్టార్ట్ చేసే ముందు మనకి తెలియాల్సిన 10 ముఖ్యమయిన విషయాలు మన స్మార్ట్ తెలుగు రీడర్ల కోసం.

కస్టమర్ ప్రోబ్లం:

మన వచ్చిన ఐడియా గొప్పదే…అది మనకి, మన ఫ్రెండ్స్ కి బానే ఉంటుంది. కానీ నిజంగా మన ఐడియా, మనం టార్గెట్ చేసిన కస్టమర్ ప్రోబ్లం ని నివారిస్తుందా అనేది చెక్ చేసుకోవాలి.

నేరుగా కలవండి :

రీసెర్చ్ అంటే చాలా మంది ఇంటర్నెట్ లో మొత్తం వెతికి ఒక నిర్ణయానికి వచ్చేస్తారు. అది తప్పు. మీరు టార్గెట్ చేసిన మార్కెట్ లోని కంపెనీలను, కస్టమర్ లను నేరుగా కలవండి. వారి దగ్గర నుండి ఇన్ఫోర్మషన్ తీసుకోండి.

మార్కెటింగ్ ప్లాన్ :

ఈ రోజు మార్కెటింగ్ అంటే డబ్బు పెడితే దొరికే వస్తువులా చాలా మంది చూస్తున్నారు. బిజినెస్ లో అన్నిటికంటే కష్టమయిన పనే…మార్కెటింగ్. ఆ ప్లాన్ పక్కాగా ఉంటనే సెల్స్ బాగుంటాయి. టెక్నాలజీ మీద పెట్టె దృష్టి కి పదింతలు మార్కెటింగ్ మీద పెట్టండి.

వస్తువుల డెలివరీ :

చాలా ఈ-కామెర్స్ బిజినెస్లు ఎదురుకుంటున్న పెద్ద ప్రాబ్లమ్ ఇదే. సరయిన టైం లో డెలివరీ చేసే వ్యక్తులు, సంస్థలు చాలా తక్కువ ఉన్నాయి. ఈ-కామెర్స్ బిజినెస్ కి డెలివరీ అనేది ఆయువు పట్టు లాంటిది. మీరు బిజినెస్ మొదలుపెట్టే ముందే దీని మీదే ప్లాన్ వేసుకోండి.

కంపెనీ నిర్వహణ :

బిజినెస్ మొదలుపెట్టే ఆత్రంలో చాలా మంది దీని గురించి ఆలోచించట్లేదు. బిజినెస్ చేయటానికి ఏదో ఒక కంపెనీ అవసరం కాబట్టి….పేరుకి ఏదో ఒకటి నడిపించేస్తున్నారు.కానీ కంపెనీ రెజిస్ట్రేషన్ లు ,నిర్వహణ చాలా ముఖ్యం.

టాక్స్ ల గురించి :

సగటు మనిషికి అర్ధం కానీ సబ్జెక్టు ఇది. కానీ ఆన్ లైన్ బిజినెస్ కోసం దీని గురించి బాగా తెలుసుకోవాలి. లాభ నష్టాలు, కంపెనీ ఆస్తులు, అప్పులు, పెట్టుబడులు…బిజినెస్ నిర్వహణ వ్యయాలు అన్ని దీనితోనే ముడి ఉన్నాయి.

లీడర్ షిప్ :

డబ్బు, తెలివి ఉన్నంత మాత్రాన బిజినెస్ లో విజయం సాధించలేము. అది కూడా ఈ రోజుల్లో ఇంకా కష్టం. ఒక టీం ని ముందుకు నడిపే నాయకత్వ లక్షణాలు అవసరం. ఆ లక్షణాలు అలవర్చుకోవాలి.

టెక్నాలజీ :

టెక్నాలజీ గురించి అందరికి తెలియదు. కానీ ఈ-కామెర్స్ బిజినెస్ లో ఇది ముఖ్య పాత్ర వహిస్తుంది. అందుకే, లోపల ఉండే సబ్జెక్టు తెలియక పోయినా గాని దాని గురించి కొన్ని ప్రాధమిక విషయాలు తెలుసుకోవాలి . బయట టెక్నాలజీ పరంగా ఎటువంటి మార్పులు చోటు చేసుకుంటున్నాయి అనే విషయాల పైన అవగాహన ఉండాలి.

ఆన్ లైన్ మార్కెటింగ్ :

టెక్నాలజీ కేవలం ప్రోగ్రామింగ్ కె పరిమితం కాలేదు. ఆన్ లైన్ మార్కెటింగ్ అంటూ కొత్త డిజిటల్ విప్లవానికి నాంది పలికింది. దీని గురించి కూడా అవగాహన పెంచుకోవటం చాలా ముఖ్యం.

కస్టమర్ సపోర్ట్ :

మనం బిజినెస్ విజయం అనేది ఎప్పుడు కస్టమర్ తృప్తి మీదే ఆధారపడి ఉంది. అందుకే కస్టమర్ సపోర్ట్ ముందే ప్లాన్ చేయండి. దానికి అవసరమయిన మానవ వనరులు, టెక్నాలజీ మీద పెట్టుబడి పెట్టండి.

మరి ఈ విషయాల పైన అవగాహన పెంచుకొని మీ ఈ-కామెర్స్ బిజినెస్ ని విజయవంతం చేసుకోండి.

Comment using Facebook for quick reply

One Response

  1. vk August 4, 2016

Add Comment

error: Content is protected !!